ឯកឧត្តម គីម រិទ្ធី បើកសន្និបាតបូកសរុបលទ្ធផលការងារអប់រំប្រចាំឆ្នាំ២០១៥ និងលើកទិសដៅបន្តសំរាប់ឆ្នាំ២០១៦
22-January-2016 | ដោយ មួយឡា
កណ្ដាល៖ នាព្រឹកថ្ងៃទី២១ ខែមករា ឆ្នាំ២០១៦ នៅមជ្ឈមណ្ឌលគរុកោសល្យភូមិភាគ ហ៊ុន សែន ក្រុងតាខ្មៅមានប្រារព្ធពិធីបើកសន្និបាតបូកសរុបលទ្ធផលការងារអប់រំ យុវជន និងកីឡា ខេត្តកណ្តាលឆ្នាំសិក្សា ២០១៤-២០១៥ និងលើកទិសដៅសកម្មភាពការងារឆ្នាំសិក្សា២០១៥-២០១៦ ក្រោមអធិបតីភាពឯកឧត្តម គីម រិទ្ធី អភិបាលរងខេត្ត តំណាង ឯកឧត្តម ម៉ៅ ភិរុណ អភិបាលខេត្តកណ្ដាល។
សនិ្នបាតនេះក៏មានការអញ្ជើញចូលរួមពីលោក លោកស្រីប្រធាន អនុប្រធានមន្ទីរអប់រំខេត្ត តំណាងអភិបាលស្រុក លោកលោកស្រីប្រធាន អនុប្រធានការិយាល័យក្រោមឱវាទមន្ទីរអប់រំ យុវជន និងកីឡាខេត្តតំណាងអង្គការជាតិ អន្តរជាតិ តំណាងអាជ្ញាធរឃុំ លោក គ្រូអ្នកគ្រូ សរុបចំនួនប្រមាណ ៤៤៦នាក់។
ពិធីនេះ ប្រព្រឹត្តទៅរយៈពេល ០២ថ្ងៃ គឺថ្ងៃទី២១-២២ ខែមករា ឆ្នាំ២០១៦ ដោយធ្វើការពិភាក្សាជារួមលើអនុវិស័យទាំង៦ មានដូចជា៖ លទ្ធផលការងារសម្រេចបាននិងដំណោះស្រាយលើបញ្ហាប្រឈមនានាដែលបានជួបប្រទះនាឱកាសនោះ ឯកឧត្តម គីម រិទ្ធី អភិបាលរងខេត្ត បានមានមតិ និងកោតសរសើរចំពោះមន្ត្រីបំរើការងារ នៅមន្ទីរអប់រំខេត្ត ការិយាល័យ និងលោកគ្រូអ្នកគ្រូ ដែលបានបង្ហាត់បង្រៀនដល់សិស្សានុសិស្សប្រកបដោយភាពយកចិត្តទុកដាក់ខ្ពស់ មានវិជ្ជាជីវៈ ហើយទប់ស្កាត់បាននូវរាល់បាតុភាពអសកម្មបានល្អ ពោលគឺចូលរួមការបង្ក្រាប ដោយសហការជាមួយអាជ្ញាធរ សហគមន៍ មិនឲ្យមានការប្រើប្រាស់គ្រឿងញៀន ល្បែងស៊ីសងគ្រប់ប្រភេទ និងអំពើអានាចារ្យនានាចំពោះសិស្សមធ្យមសិក្សា។
ក្នុងនោះឯកឧត្តមក៏បានបញ្ជាក់ថា ចំពោះករណីសិស្សណាដែលប្រព្រឹត្ត រាល់អំពើដែលប្រាសចាកសង្គមខុសសីលធម៌ លោកនាយក លោកគ្រូអ្នកគ្រូប្រចាំថ្នាក់ត្រូវតាមដាន និងរាយការណ៍ដល់អាជ្ញាធរ សមត្ថកិច្ច ដើម្បីមានវិធានការណ៍ បន្ទាប់មកជូនព័ត៌មានទៅដល់អាណាព្យាបាល ឲ្យដឹងលឺលើការប្រព្រឹត្តរបស់កូនៗពួកគាត់ ដូចអាណាព្យាបាលខ្លះគាត់បានចោទថា អាជ្ញាធរយើង ទំលាក់កំហុសដាក់កូនគាត់ដើម្បីបង្គាប់ទារលុយ លើចំណុចនៃការប្រព្រឹត្ត ទាំងអស់នេះ ជាចំណុចគោលនយោបាយភូមិឃុំមានសុវត្ថិភាព របស់រាជរដ្ឋាភិបាលនិងក្រសួងមហាផ្ទៃ ដាក់ឲ្យរដ្ឋបាលគ្រប់ស្ថាប័ន ត្រូវរួមគ្នាអនុវត្តន៍ ពិសេសវិស័យអប់រំជាគ្រឹះចំបង ។
ឯកឧត្តមបានសំណូមពរ ឲ្យមន្ត្រីអប់រំទាំងអស់ត្រូវបង្កើនការយកចិត្តទុកដាក់បន្ថែមហើយចូលរួមផ្សព្វផ្សាយ ដល់អាណាព្យាបាលដែលមានកូនតូច អាយុក្រោម៦ឆ្នាំមុនចូលថ្នាក់បឋមសិក្សា គឺត្រូវឲ្យគាត់យកទៅចូលរៀននៅសាលាមត្តេយ្យសិន ព្រោះគម្រោងរបស់ថ្នាក់ជាតិផ្ដោតសំខាន់ណាស់លើកុមារតូច កុមារមេត្រីយ ហើយការិយាល័យអប់រំ ត្រូវលើកផែនការចូលរួមក្នុងកិច្ចការអនុវត្តន៍ផែនការវិនិយោគ៣ឆ្នាំរំកិលរបស់ថ្នាក់ខេត្តស្រុកឃុំ គំរោងមត្តេយ្យសហគមន៍ ការអប់រំកុមារតូចនៅតាមផ្ទះ តាមសហគមន៍ ដែលមានអង្គការសំខាន់ៗជាដៃគូ និងក្រសួងកិច្ចការនារី ក្រសួងអប់រំនិងការពិនិត្យតាមដានពីក្រសួងអភិវឌ្ឍន៍ រួមទាំងស្ថាប័នផ្សេងៗ សារៈខាន់លើគំរោងកុមារតូច កុមារ មេត្រីយ កុមារមត្តេយ្យ គឺធ្វើឲ្យកុមារចេះសំរបសំរួលខ្លួននិងភាពស៊ាំ ហើយយល់ដឹងបានច្រើនមុនចូលថ្នាក់បឋមនិងកុមារចេះវិវត្តន៍ខ្លួនឯងច្រើនជាងកុមារដទៃ ដែលមិនបានចូលរៀនលើគំរាងអប់រំកុមារតូចនេះ។
ក្នុងឱកាសនោះឯកឧត្តមបានថ្លែងអំណរគុណដល់សមាជិកសមាជិកានៃអង្គសន្និបាត ទាំងអស់ដែលបានចំណាយពេលចូលរួមក្នុងការបូកសរុបការងារប្រចាំឆ្នាំនេះ សង្ឃឹមថាចំណុចបញ្ហាប្រឈមនិងសំណូមពរ ឬការងារអសកម្មត្រូវរួមគ្នាដោះស្រាយឲ្យបានទាន់ពេល ដើម្បីចូលរួមលើកកំពស់ផ្នែកអប់រំ ធនាបានការអភិវឌ្ឍ គង់វង្សចីរកាល ស្របតាមគោលនយោបាយរបស់រដ្ឋ៕ ដោយមែន កំសត់
ចំនួនអ្នកទស្សនា
- ថ្ងៃនេះ3281
- ម្សិលមិញ2941
- សប្តាហ៍នេះ6231
- ខែនេះ26281
- ឆ្នាំនេះ1009501
- សរុប20236947